የማኅበረሰብ ሬዲዮ የንግድ እና የመንግሥት ብሮድካስት አገልግሎቶች የማይሸፍኗቸውን የማኅበረሰቡን የመረጃ፣ የትምህርት እና የመዝናኛ ፍላጐቶች በማሟላት ለእድገት እና ለልማት መፋጠን ጉልህ ሚና የሚጫወት በመሆኑ፤
አገራችን የበርካታ ብሔር፣ ብሔረሰቦች እና ሕዝቦች አገር በመሆኗ ተደራሽና ብዙሃዊነቱ የተረጋገጠ የመገናኛ ብዙሃን ለመፍጠር የማኅበረሰብ ሬዲዮ በማስፋፋት እና ቀጣይነቱን በማረጋገጥ ዜጎች በሕገ መንግስቱ ያገኙትን መረጃ የማግኘት መብት በተሟላ ሁኔታ ተግባራዊ ለማድረግ የሚያስችል በመሆኑ፤
የዜጎች የጋራ ሀብት የሆነውን ውስን የሬዲዮ ሞገድ በአግባቡ ጥቅም ላይ ለማዋል ግልፅ እና ፍትሃዊ የፈቃድ አሰጣጥ ሥርዓት መዘርጋት በማስፈለጉ፤
በብሮድካስት አገልግሎት አዋጅ ቁጥር 533/1999 መሠረት ይህ መመሪያ ወጥቷል፡፡ |
