ባለሥልጣንመ/ቤቱከኢትዮጵያ አእምሮአዊ ንብረት ፅ/ቤት ጋር ተባብሮ ለመስራት የሚያስችል የስምምነት ሰነድ ተፈራረመ

ጥር 10 ቀን 2004

የኢትዮጵያ ብሮድካስት ባለሥልጣን ዋና ዳይሬክተር አቶ ደስታ ተስፋው እና የኢትዮጵያ አእምሮአዊ ንብረት ፅ/ቤት ዋና ዳይሬክተር አቶ ብርሃኑ አዴሎ ጥር 10 ቀን 2004 ዓ/ም በአእምሮአዊ ንብረት ፅ/ቤት በጋራ ተባብሮ ለመስራት የሚያስችል የመግባቢያ ሰነድ ተፈራርመዋል፡፡

የመግባቢያ ሰነዱ ዓላማ የመገናኛ ብዙኃን በተለይም ከብሮድካስት አገልግሎት ተደራሽነት አንፃር በአዕምሮአዊ ንብረት ጥበቃ ሕጎችና አፈጻጸማቸውን አስመልክቶ ለህብረተሰቡ ተገቢ ግንዛቤና አመለካከት ለመፍጠር ያለመ ነው፡፡ ህጎችን የጣሱ አሉታዊ ድርጊቶች ተፈፅመው ሲገኙም ከማጋለጥ እንፃር ከፍተኛ ሚና ያለው መሆኑን በመገንዘብ ሁለቱ ባለድርሻ አካላት ተባብረው ለመስራት ነው፡፡
 
በፊርማ ስነስርዓቱም ላይ የተቋማቱ የስራ ኃላፊዎች በትብብር በመስራት የሚዲያውን አቅም ለማሳደግ እንደሚሰሩ ገልፀው በትብብር መስራቱ የለውጥ ሰራዊት በመገንባት ሂደት ላይ የራሱ አስተዋፅኦ እንደሚኖረው ገልጸዋል፡፡

ሁለቱ ተቋማት በመግባቢያ ሰነዱ መሰረት በጋራ መስራት እንዳለባቸው በመግለጽ አፈጻጸሙም በጋራ እየተገመገመ የአፈጻጸም አቅጣጫ በማስቀመጥ ለእድገትና ትራንስፎርሜሽን እቅዱ ስኬታማነት የበኩላቸውን አስተዋጽኦ ለማበርከት እንደሚሰሩ ተናግረዋል፡፡ 

በፊርማ ስነስርአቱ ወቅት

ለተቋሙ የሥራ ኃላፊዎች ሲሰጥ የቆየው የሁለንተናዊ ለውጥ አመራር ስልጠና ተጠናቀቀ!

ታህሳስ 13 ቀን 2004 ዓ.ም

ለተቋሙ 18 የሥራ ሃላፊዎች ከሐምሌ 7 ቀን 2002 ዓ.ም እስከ  ታሕሳስ 13 ቀን 2004 ዓ.ም በተቋሙ የመሰብሰቢያ አዳራሽ ለሦስት ተከታታይ ዙሮች ከኢትዮጵያ ሥራ አመራር ኢንስቲትዩት በመጡ አሰልጣኞች በሁለንተናዊ ለውጥ አመራር እና ኮቺንግ ርዕስ ሲሰጥ የቆየው ስልጠና ተጠናቀቀ።
በባለሥልጣን መ/ቤቱ የሰው ሃብት አመራርና ልማት ዳይሬክቶሬት ዳይሬክተር አቶ ዘውዱ አድማስ ስልጠናው በተቋሙ ውስጥ ያሉ የሥራ ኃላፊዎች እና የቡድን መሪዎች በለውጥ አመራር እና ኮቺንግ ዙሪያ የዳበረ እውቀትና ክህሎት እንዲኖራቸው ለማስቻል ታልሞ መዘጋጀቱን አብራርተዋል።
እንደ አቶ ዘውዱ ገለጻ ስልጠናው በሦስት ተከታታይ ዙሮች ተከፍሎ በተግባር ተደግፎ ሲሰጥ እንደቆየ ገልጸዋል። በስልጠናው ላይም የለውጥ አመራር

ምንነት፣ ከነበርንበት የተለመደ አስተሳሰብ በመውጣት ለተሻለ ውጤት ሊያበቁ የሚችሉ ሃሳቦችን የማፍለቅ (Breackthrough)፣ በተቋሙ ለተጀመሩ የለውጥ ሥራዎች   አጋዥ የሆኑ ፕሮጀክቶችን በመንደፍ የተግባር ልምምድ እያደረጉ ወደ ተግባር የመለወጥ ብቃት፣ መሪዎች የሚመሩዋቸውን ባለሙያዎች በመደገፍና በማብቃት ለተሻለ ውጤት እንዲበቁ እና የሚያጋጥሙ ስሜቶችን በመቆጣጠር ችግሮችን የመፍታት ክህሎት በሚሉ ዓበይት ርዕሰ ጉዳዮች ላይ ያተኮረ መሆኑን አብራርተዋል። ስልጠናው ባለሥልጣን መ/ቤቱ እያከናወነው ለሚገኘው ተቋማዊ የለውጥ ትግበራ ስኬት አመራሩ የሚጠበቅበትን  እንዲወጣ ለማድረግ አስተዋጽኦ ይኖረዋል። በተጨማሪም አመራሩ የመምራት እውቀትና ክህሎቱን በማሻሻል ሳይንሳዊና ዘመናዊ የሆነ የአመራርና የመምራት ብቃት እንዲኖረው ምቹ ሁኔታ ይፈጥርለታል ሲሉ አቶ ዘውዱ አስገንዝበዋል። 
የስልጠናው ተሳታፊዎችም ስልጠናው የተሻለ ዓቅም እንደፈጠረላቸው በመግለጽ ለወደፊቱም መሰል ስልጠናዎች እንዲሰጣቸው ገልጸዋል።